بسم الله الرحمن الرحيم
هذه القصه يقولون انها حقيقيه وحده تقول ان جارتها تقوله
المهم نبدا بالقصه ---
هذولا مجموعه اخوان راحوا للبيضاء للتنزه ومعهم امهم العجوز -- وبعد ما طفشوا من الطلعه قرروا انهم يرجعون لبيوتهم وركب كل واحد سيارته واخذ اهله ومشى -- المهم يوم جاء في الليل دق واحد من الاخوان على اخوه قال له : امي معك قال: لا وقاموا كل واحد يدق على الثاني كل واحد يحسب امه مع الثاني --طلعوا ناسين امهم بالبيضاء --وقامو بلغوا الشرطه ورجعوا يدورون امهم -سبحان الله العجوز متطمنه ان عيالها بيرجعون لها جلست مكانها وبعد شويه في الظلام الا وجايين بجنبها اربع شباب معهم بنت صغيره مربطينها ونزلوا قريب منها وهم ما شافوا العجوز -- العجوز عرفت ان هذه البنت خا طفينها ويبغون يفعلون فيها --قامت العجوز ونزلت طرحتها وعباتها ونفشت شعرها وشعرها كله ابيض شايب وراحت للشباب تبغى تفك البنيه المسكينه ويم وصلتهم وهي نافشه شعرها الابيض قالت وووووووواااااااااااااااااااااااااااااااااععععععععع ععععععع الشباب يحسبونها جنيه --عاد تعرفون البيضاء مشهوره اعوذ بالله -- ومن الخوف الشباب ركبوا السياره وشردوا من الخوف العجوز فكت البنت وقامت تطمنها --انا جدتك لاتخافين الحمد لله ربي فكك هالحين يجون عيالي اوديك اهلك --وبعد شويه الا واعيالها جايين لامهم والشرطه يدورونها لقوا امهم ومعها البنت اخذوا البنت ورجعوها لاهلها وعلموهم بالقصه وشكروا العجوز
بصراحه سبحان الله مافيه احد ينسى امه بس يمكن من الله ان ها البنت ما يصير لها شئ الله فكها بهالعجوز
والله يستر علينا وعلى اطفالنا فهم امانه في اعناقنا اعطاناهم الله --واتمنى من كل ام تنتبه لعيالها وبناتها والله اني اشوف اطفال صغار يمكن يا دوب يمشي بالشوارع -وبعض الامهات الله يهديها تلبس بنتها ضيييييق كل شئ واضح وتطلع الشارع ولا ترسلها البقاله على الاقل لبسيها عبايه والله حرام ضعاف النفوس ما يصدقون بالاطفال سواء بنات او عيال بس الله يستر --