نورة1980..إعذريني على التأخير..و هذي طريقة الفلفل..

السلام عليكم و رحمة الله و بركاته

شحالكم يا عرايس .. ان شاء الله بخير ..

الليله بحط لكم طريقة الفلفل و اللي طلبتها مني الاخت نورة1980 ..







المقادير:

1- فلفل عروق (( ما اعرف احدد الكمية !!.. لكن .. اذا يبت 1 كيلوجرام من الفلفل استخدمته ثلاث مرات .. يلا عاد انتو اقسموا الحين )).
2- حبتين بصل حجم وسط .
3- ثلاث فصوص ثوم .
4- 4 او 5 حبات طماطم كبيره.
5- 1 مكعب ماجي.
6-ملعقه صغيره سكر.
7-ملعقه صغيره ملح.

الطريقه :

-في الخلاط .. نخلط الفلفل مع البصل و الثوم و الطماطم ..
-بعدها اطعمي الخليط و شوفي اذا كان حار واايد و انتي تبينه اقل حروره ضيفي طماطم .. و اذا كان بارد شوي و تحبينه اكثر حروره ضيفي عروق من الفلفل ..وهذا حسب اللي تفضلينه و اسرتج..
-صبي الخليط في طنجره على النار و ضيفي الماجي و السكر و الملح .. اتريكه لين يستوي و ينشف منه الماي .

-الحين هذي الخطوه اختياريه .. ممكن بعد ما الماي ينشف تضيفين مقدار فنجان قهوه من الزيت..
انا النصحكم تضيفون الزيت لأن المذاق بيكون احلى .

هذي هي الطريقه ..سهله.. و اتمنى تعيبكم ..

تحياتي للجميع

يسلمو القلم الصادق على ردك الجميل

تحياتى لك: :وردة:

مشكوررررااا

مشكوراااااااااااااااااا ع موضوع غااوي

بارك الله فيك.

تسلمين صمت الحنون